| De mezièkale karrière van Marc begós in 1998 beej joekskepèl “Joekskapel”, eine groep vrinde zónder mezièkale ervaring die same mezièk woele gaon make. Helaas ging dees joekskepèl al vreej gauw ter ziele. Det waas veur Marc en nog inkele van ós huidige leeje aanleiding um euver te stappe naor Schots en Scheif wao versterking welkóm waas. In ’t begin beperkte ’t meispeule zich tot zó’n vièf nummers; noow kin hae ’t hièle rippertoir aan. Eine andere hobbie naeve de joekskepèl zien zien döchter Lieke en Lotte. Vaerder, as hae tièd haet, duit hae ein biètje aan hardloupe. Hae haet de maraton in NY en Berlien gerend en ouk aan de Venloup meigedaon. In ’t dageliks laeve verköp Marc enzymen in de pepeer-industrie daor gans Europa, zoeëdet de produksie van pepeer baeter en goodkouper kin waere. |
Truuk
