We meuge d’r weer ein jäörke beej optelle. Ouk dit jaor waas ’t de meujte waerd. Zoeëas gewoeënlik kwame we niks tekort en zien we in de watte gelag door HVV-Rheinbrohl. Willy veurzuut ós beej Römerblick al hiél lang van de nuuëdige versnaperinge. Vriedaag is tradisjoneel d’n daag van de pölle en zaoterdaag d’n daag van de wien. En wat dach ge van ein mobiele opslaagplaats veur ós instrumente? Dao zörg Dieter al jaore veur. En det neet allein: doordet ’t geplande jeu de boules met barbeque in ’t water veel, zörgde hae met zien vruike veur ein heerlik alternatief, zoeëdet we met eine goojen baom beej Weinteam Rheinbrohl-Hammerstein op bezeuk kóste gaon um daonao op eine feestelikke Römerplatz met eur ’t Rheinbrohler wienfees te kinne viere. Ein waekind um weer met vuuël plezeer op truuk te kinne kiéke! Bekiék de video heej en de foto’s heej
