“De vastelaovend in Venlo laef as noeits teveure. Op iddere hook steit ein podium met de beste artieste, in de kroeg waere vastelaoves nummers van vruuger en noow gedreijd en de stad bleuijt van joeks en jen, gezelligheid en saamhuurigheid.
Maar tösse al det gedans en gesjans klink ein specifiek geluud de aafgelaupe jaore steeds minder. Ein klankkleur waorvan minnig hert sneller geit kloppe, de erm de lôch in gaon en de bein beginne te danse. Ut geluud van de joekskepèl, ut hert van de vastelaovend
Det geluud is de basis van de vastelaovend, de ziel. Ut brink sfeer, gezelligheid. Ut verbindt minse door zien spontaniteit en energie.
Det geluud is minder, maar neet verdwene. Sterker nog, ut kump truuk. Harder, moderner, enthousiaster en joeksiger dan oeit!
Want terwiel de feeste groeëter en moderner waere, blief de kern van vastelaovend ut zelfde: Zinge, springe en gezellig same ein fees viére.
Want ein joekskepèl is gezellig en fees! Joeksig en sfeervol. Spontaan en saamhuurigheid.
Weej neme ut beste van vruuger meij, en bouwe door naor ut nieje det kump.
Daorum slaon de joekskepélle van groeët Venlo de hand inein.
Neet um truuk te bringe wie ut vruuger waas, maar um same te laote zeen det weej as joekskepèlle auk ut fees van noow kinne make.
(Foto gemak door Joy Cremers)
x
