Ós ierelid Sef Nefkens haet ós verlaote. Dit berich is beej ós binne gekomme as eine dónderslaag beej heldere hemel. Sef waas mei oprichter in april 1975 van Schots en Scheif en hae haet vanaaf ’t ièrste aor vuuël werk verzatte veur de joekskepèl. Hae waas degene dae muziekpartieje verzörgde en hièl vuuël organisatorische zake veur zien raekening noom. In latere jaore vervölde hae ouk de rol van veurzitter/penningmeester. Vanwaege drökke werkzaamheden beslaot Sef in 2003 um zien actieve loupbaan as trompettis te beëindigen. Hae woort in detzelfde jaor beneump as ierelid van de kepèl. Vanoet die rol haet hae tot de letsten daag betrókkenheid getoeënd beej de kepèl en waas hae nog dök aanwezig beej biezóndere gelaegenhede.
Weej herinnere Sef as eine mins dae hert had veur de kepèl en we winse Corrine, de kinder, kleinkinder en vaerdere femilie hièl vuuël sterkte beej ’t verwerke van dit groeëte verlees!
Sef, rös zaach!
