Latest News
My latest ramblings.
Enjoy! I definitely got important things to say
Joekskepèl Schots en Scheif
is opgerich in april 1975, toen eine gas voetballers van Venlosche Boys met de vastelaovend kinnis hadde gemak met ’t fenomeen joekskepèl. Zeej dóchte det aste.. [Laes vaerder]
Jubilaris
Op de jaorvergadering van 2018 woort Ben verras. Hae woort in ’t zunke gezatte umdet hae vanaaf september 1992 lid is van Schots en Scheif. Ben vierde tot zien eige verbazing zien 25-jäörig jubileum. Van ierelid Sef kreeg hae ’t beejbehuurende 25-jäörig jubileumspeldje opgespeld.
Eierloop
Nao inkele waeke pauze gevolg door ein paar rippetisies steit zaoterdaag 31 maart weer ‘t iérste optraeje nao Vastelaovend op ‘t programma, d’n Eierloop in hertje Venlo, van 4 oor wies ein oor of 8, wellich met ein verlenging? Wuurt ‘t record shotjes drinke verbraoke?
Vastelaovend 2018: det waas ’t dan
Vastelaovend 2018 leet weer achter ós. ’t waas ós gegaeve um weer ein aantal moeje optraejes te meuge belaeve. Begós beej ’t Boeremoosbal in Jocus Hoonderstal, via ein aantal schoeëne optraejes ónder andere euver de päöl in Kreifeld, oétintelik weer truuk gekómme in Jocus Hoonderstal um dao de Vastelaovend aaf te sloete. Um de herinneringe vas te halde heej de foto’s. Ouk zien d’r inkele filmkes gemak. Klik daoveur heej.
Altweiber Kölle
D’n dónderdaag veur de Vastelaovend is tradisjoneel d’n daag det we met de Deutsche Bahn naor Kölle gaon. Aanvankelik ware d’r sómbere berichte euver ’t weer. Bleek det mei te valle! We kóste zelfs beej ein lekker zunke boete optraeje. Ouk de Zug deej ’t op d’n truukwaeg redelik. Maar ein half eurke vertraoging. Det is waal ens anders gewaes!
Filmke. Foto’s.
Kreifeld waekind
’t waekind veur Vastelaovend brach de bus ós 2 kièr euver de päöl, en waal 2 kièr naor Kreifeld. Vriedaag waas d’n daag van die Damensitzung van KG Grün-Weiss Grönland 1957 e.V. Krefeld en op zaoterdag ware we op de Kostümsitzung van Gesellschaft 1938 Krefeld-Oppum e.V. Allebei de daag ware de meujte waerd, met vuuël joeks en jen. Filmke Damensitzung, filmke Kostümsitzung.
As d’n beermeister van de Wienfeeste 60 jaor wuurt
Wat duisse asse ’t verzeuk kriegs um ozze beermeister van de wienfeeste, Willy aus Rheinbrohl, te felicitére met ziene 60-ste verjäördaag en d’n aafstand is te groeët um dao efkes nao toe te gaon. Dan steurse um eine video waorin de baodschap wuurt euver gebrach. Kiek heejónder wie det ging.
Willy