Latest News
My latest ramblings.
Enjoy! I definitely got important things to say
Joekskepèl Schots en Scheif
is opgerich in april 1975, toen eine gas voetballers van Venlosche Boys met de vastelaovend kinnis hadde gemak met ’t fenomeen joekskepèl. Zeej dóchte det aste.. [Laes vaerder]
Aafsloeting met barbecue
Weej hebbe ’t veurjaorsseizoen aafgeslaote met eine heerlikke barbecue in ós rippetisielokaal Restaurant de Kraal. Gashiér Wim had alles tot in de puntjes geregeld. Dank daoveur Wim! We gaon noow met zomerreces wies medio augustus. Tössetieds drage we waal nog ós steinke beej aan ’t Zomerparkfees wao we einen daag bardeens zulle dreije.
Rös zaach Niels!
Aafgeloupe dinsdaag steursde dich um 6.46 oor ein appje met de teks “ik mót mich veur vanaovend aafmelde”. Wae had kinne bedinke det det dien letste berich zoel waere. Óngeluif, verdreet, verbijstering en nog hiél vuuël mier geveules die neet in wäörd zien oét te drökke hebbe zich van ós meister gemak.
jublileum
In ’t 49ste laevesjaor van Schots en Scheif zien d’r twieë leje die ein jubileum viere. Marc en Ron zien allebei 25 jaor lid. Op de jaorvergadering wuurt tradisiegetrouw ein jublileumspeldje veur 25 jaor trouw lidmaatschap oétgereik. Marc en Ron van herte perfitsia met dit schoeëne jubileum names alle jónges van Schots en Scheif! Det geej d’r nog 25 jaor aan vas meug knuipe!
Eierloup (update)
‘t is weer zoeëvaer, de jaorlikse Eierloup op paoszaoterdaag waoraan weej ouk al jaorelang ós steinke meuge beejdrage. In de diverse kroege staon shotjes klaor waorvan de deilnemers kinne geneete. As ouk ‘t weer ein bietje wilt meiwerke, belaof ‘t weer ein tóf evenement te waere.
Update: klik heej veur ein filmke van eine geslaagde Eierloup 2024.
Vastelaovend 2024
Wat hebbe we eine schitterende Vastelaovend meuge belaeve! Lekker zunke, lekker windje, lekker weerke waas deze kiér absoluut van toepassing. D’n optoch in Bliërick, de alternatieve JoekskepelleParade, d’n optoch in Venlo en last but not least eine geweldige boerebroelofsdinsdaag met det gezellige en spontane gezelschap van de kwante Kaketoe. Filmkes daovan heej en heej. Foto’s in ’t menu media of klik heej.
Weiberfastnacht
In taegestelling tot veurige jaore dit kiér ens neet naor Kölle. Chauffeur Koos bracht ós al hiél vruuëg in de morge naor Brühl wao we op oétnuuëdiging van de Schlossgarde der Stadt Brühl same met eur Weiberfastnacht hebbe gevierd. We hebbe ós köstelik vermak en zeker veur herhaolong vatbaar! Klik heej en/of heej um indrökke op te doon.