Latest News
My latest ramblings.
Enjoy! I definitely got important things to say
Joekskepèl Schots en Scheif
is opgerich in april 1975, toen eine gas voetballers van Venlosche Boys met de vastelaovend kinnis hadde gemak met ’t fenomeen joekskepèl. Zeej dóchte det aste.. [Laes vaerder]
Wienfees 2023
De zomer löp op zien ind. Det beteikent det ’t weer tiéd is veur ós jaorlikse oétstepke naor de wienfeeste. Zoeëas de tradisie wilt sloete we aan in de file op de A61 totdet we Rheinbrohl hebbe bereik. ’t liek d’r op det de weergode meiwerke en det we weer ein tóf waekind kinne belaeve met ós vrinde en vriendinne dao ter plaatse. Weej hebbe d’r in idder geval zin in!
Rheinbrohl door de jaore haer
Zomerparkfees 2023
De zomerpauze löp op zien ind. We hebbe ’t nieje seizoen geäöpend met eine bardeens op ’t zomerparkfees. De instrumente waere vanaaf volgende waek ouk weer opgepak um d’r veur te zörge det d’n ammazuur weer op piel kump veur de iersvolgende optraejes.
op facebook: zomerparkfees 2023
Ronde-van-11
Op Hemelvaartsdaag ware we te gas beej de Wieleromgaeving Herungerberg wao veur d’n twieëde kier de Ronde-van-11 woort gehalde. De sportievelinge kóste, naodet ze de 111 kilométer achter de rök hadde, nog effe oetröste en op ’t terras genéte van ós muzikale klanke.
Jubilaris
Op de jaorvergadering van 2023 woort ózze zenger Loek tot zien eige verbazing in ’t zunke gezatte vanwaege zien 25 jäörig lidmaatschap beej de kepèl. Hae kreeg ’t beejbehurende speldje opgespeld door ierelid Sef. Loek, gefeliciteerd met dit heugelikke jubileum!
Bezeuk en Eierloup
In ’t paoswaekind hebbe de iérste activiteite nao Vastelaovend plaatsgevónde. Ós vrinde en vrindinne oet Rheinbrohl kwame op bezeuk en det beteikende det zeej kóste kinnismake met de stad Venlo, d’n ónverbaeterlikke Eierloup en tegeliekertied genete van ós ierste optraeje nao Vastelaovend. Oet de reaksies bleek det zeej zich köstelik hebbe geammezeerd (en weej ouk!). Foto’s via deze link.
Weej hebbe wat te viere
7 april 1975 waas d’n oprichtingsdatum van joekskepèl Schots en Scheif, op 7 april 2023 tikke we ózze 48-ste verjeurdaag aan. In ’t paoswaekind kómme ós vrinde en vrindinne oét Rheinbrohl in Venlo op bezeuk en vindt de onverbaeterlikke Eierloup plaats waoraan we ós steinke meuge beejdrage.