2025 is ein bezónder jaor veur Schots en Scheif. Op 7 april 1975 woort de kepèl opgerich. Det beteikent det we in 2025 ós 50 jäörig bestaon viere. Gen joeksig jubileum maar waal ein jaor um aaf en toe beej stil te staon. Klik heejónder op de aafbeelding veur ein filmke.
Wao gaon we haer? wao gaon we haer? Zek zien we al zoeë wied, of gaon we al te vaer?
De vastelaovestrein geit weer rieje. Óndertösse begint dudelik te waere wao daen trein euveral halt helt. Wellich zeen we ós heej of dao.
Weej winse óg ein spetterend, joeksig maar baovenal gezónd 2025! Veur ós is 2025 ein bezónder jaor. Weej viere gen joeksig jubileum, maar we bestaon in 2025 waal 50 jaor! Ein gebeurtenis um in de loup van ’t jaor toch waal efkes beej stil te staon.
Zaoterdaagaovend is ’t te doon in d’n Dörpel, de Veugelkesaovend van VG de Vogelhut, eine aovend vol joeks en jen. Veur ós zó’n bietje de start van ’t nieje vastelaovesseizoen 2025, ein jaor wao in weej de veur ein joekskepel respektabele laeftied van 50 jaor haope te bereike.
Klik heej veur ein sfeerimpressie
Rheinbrohl waas zoeëas idder jaor ouk noow éin groeët fees. De HVV Rheinbrohl haet ós weer in de watte gelag en we woorte good verzörg door ós betreuer Claudia en Elke. Vriedaagaovend nome we aafscheid van de alde Weinkönigin Jill en de Weinprinzessinnen Lena en Nina en zaoterdaag makde we kinnis met de nieje Weinkönigin Cosima en eur Weinprinzessinnen Maike en Esther. Tössedoor haet burgemeister Oliver Labonde van Rheinbrohl ós in ein hoeëfker ouk nog de schoeëne umgaeving van Rheinbrohl laote zeen. Filmkes Rheinbrohl 2024 (1) en Rheinbrohl 2024 (2) en foto’s Rheinbrohl 2024.
Liebe Rheinbrohler danke dass Sie uns wieder ein tolles Wochende beschert haben!
Langzaamaan óntwake we oet ózze zomerslaop. Op zaoterdaag 10 augustus starte we met bardeens op ’t Zomerparkfees. Geej kint ós vinde beej bar 6 Amigo rechs. Kóm gerös langs veur ein lekker pilske of ein andere koele versnapering. We zeen ós!
Op dinsdaag 13 augustus pakke we ouk d’n draod weer op met rippetére ter veurbereiding op ’t najaorsseizoen en neet te vergaete Vastelaovend 2025.
Weej hebbe ’t veurjaorsseizoen aafgeslaote met eine heerlikke barbecue in ós rippetisielokaal Restaurant de Kraal. Gashiér Wim had alles tot in de puntjes geregeld. Dank daoveur Wim! We gaon noow met zomerreces wies medio augustus. Tössetieds drage we waal nog ós steinke beej aan ’t Zomerparkfees wao we einen daag bardeens zulle dreije.
In ’t 49ste laevesjaor van Schots en Scheif zien d’r twieë leje die ein jubileum viere. Marc en Ron zien allebei 25 jaor lid. Op de jaorvergadering wuurt tradisiegetrouw ein jublileumspeldje veur 25 jaor trouw lidmaatschap oétgereik. Marc en Ron van herte perfitsia met dit schoeëne jubileum names alle jónges van Schots en Scheif! Det geej d’r nog 25 jaor aan vas meug knuipe!
‘t is weer zoeëvaer, de jaorlikse Eierloup op paoszaoterdaag waoraan weej ouk al jaorelang ós steinke meuge beejdrage. In de diverse kroege staon shotjes klaor waorvan de deilnemers kinne geneete. As ouk ‘t weer ein bietje wilt meiwerke, belaof ‘t weer ein tóf evenement te waere.
Update: klik heej veur ein filmke van eine geslaagde Eierloup 2024.
