| Jack Steegh | ||
 Truuk |
Lid sints 2015 | |
| Instrument: |  |
|
| De muzikale karrière van Jack, alias Stek, alias Stekker begós toen zeej met ein stel vrinde joekskepèl Labberjoeks hadde opgerich. Maurice waas ein van dees vrinde. Hae speulde op de kleine tróm en Jack op de dieke tróm. Nao jaore met vuuël plezeer mezièk gemak te hebbe, woort beslaote met Labberjoeks te stoppe. Idder jaor met vastelaovend begós ’t toch weer te kriebele en trókke zeej op vastelaoveszaoterdaag met de instrumente de stad in. Zoeë ontstond joekskapel `Joekskapel`. Maurice waas óndertösse beej Schots en Scheif de dieke tróm gaon bespeule. Toen hae de euverstap makde nao de kleine tróm, kreeg Jack de kans um beej Schots en Scheif de dieke tróm te gaon houwe, ein passie die um noeëits had losgelaote. Jack haet ein vrouw (Sharon) en dreei kinder (Siebe, Jelle en Eliza). Hae geneet van lekker aete en drinke, gezellig same zien met de femilie en vrinde, klusse in en rónd ’t hoes en zwumme. |
||