7 april 1975 waas d’n daag det Joekskepèl Schots en Scheif woort opgerich. Neet det de naam al direk waas gekaoze, maar det deurde neet zoeë hiel erg lang. Toen muzikaal leider van ’t ierste oor Aloys vónd det ’t allemaal waal “schots en scheif” klónk, waas det ouk geregeld.
Noow, 50 jaor later, kinne we zegge det we nog steeds springlaevend zien. Det gaon we viere met ein feesje op 12 april in hertje Venlo. We zulle op verschillende plaatse in ’t centrum van Venlo ós muzikale klanke laote huure. Zeen we ós dae zaoterdaagmiddaag tösse 13.30 en 16.00 oor in ós stedje? Det zoel kwant zien!
Speciale dank aan ós sponsore Van Ulft Bouw & Timmerwerke en Groenveld Adviseurs die dit feesje mei meugelik hebbe gemak!
