| Maurice is zien mezièkale karrière bégos beej Labberjoeks. In 2001 kwaam hae as ‘tiédelikke’ vervanger van dekselse Ben, dae onder ut mets meus in ut gashoés, nao Schots en Scheif. Maurice zaet dao euver: “helaas waas ik zoeë good det ik móg bliève”. Dao gaon weej vaerder neet op in! Inmiddels haet hae de deksels weer truuk gegaeve aan Ben en de dieke tróm van Wielke aafgepak. En wie Bob in 2014 aan goof d’r mei te stoppe haet Maurice de dieke tróm aan de kant gezatte en is noow truuk beej zien alde leefde: Potte en panne! Op vastelaoveszaoterdaag is hae auk nog lid van ein andere joekskapél luusterend nao de twiéfelachtige naam: ‘Joekskapél Joekskapél’. Heej ‘speult’ hae kleine trôm. Zien hobbies zien te laat thoeskómme, ziene zoon Sam en groëte leefde Nicole, Golluf, hard laupe, aete, kaoke, vastelaovend viere en mezièk make. As hoeëgtepunt neump hae de serenade op vastelaovesmaondaag toen Sam net gebaore waas(kiepével!). Mezièkaal gezeen waas det volges Maurice ouk ‘t deeptepunt, umdet d’r waat noeëte neet geraak woorte (hae meus ens weite!!). |
Truuk
