Neet mier weg te dinke oet ós programma, ’t jaorlikse bezeuk aan ’t wienfees in Rheinbrohl. Wat in 2003 begós as ens probere of det wat is veur ós, is inmiddels mier dan ein tradisie, waobeej we idder jaor opniej zoeë hertelik waere óntvange det we met rech kinne spraeke van ein vrindschap veur ’t laeve. Dit jaor is ’t te doon van 2 tot en met 4 oktober. We verheuge ós d’r op um weer ós muzikale steinke te meuge beejdrage.
